E News

Latest News

കേരളത്തിലെ ഒരു കർഷകന്റെയും കൃഷിഭൂമി പരിസ്ഥിതി ദുർബല പ്രദേശമായി പ്രഖ്യാപിക്കുവാൻ കേരള കോൺഗ്രസ് (എം) അനുവദിക്കില്ല ജോസ്.കെ മാണി

Enews 16 October,2024

പൂഞ്ഞാർ: കേരളത്തിലെ ഒരു കർഷകന്റെയും കൃഷി ഭൂമി ഇ.എസ്.ഐ മേഖലയായി പ്രഖ്യാപിക്കുവാൻ കേരള കോൺഗ്രസ് (എം) അനുവദിക്കുകയില്ലന്ന് എന്ന് ജോസ് കെ മാണി എംപി പറഞ്ഞു.പൂഞ്ഞാർ, കൂട്ടിക്കൽ, തീക്കോയി, പൂഞ്ഞാർ തെക്കേക്കര, മേലുകാവ് വില്ലേജുകൾ ഉൾപ്പെടെയുള്ള ജനവാസ കേന്ദ്രങ്ങളെ പരിസ്ഥിതി ദുർബല പ്രദേശമായി പ്രഖ്യാപിക്കാനുള്ള കേന്ദ്രസർക്കാർ നീക്കത്തിനെതിരെ കേരളാ കോൺഗ്രസ്‌ (എം) പൂഞ്ഞാർ നിയോജകമണ്ഡലം കമ്മറ്റിയുടെ നേതൃത്വത്തിൽ നടത്തിയ പ്രതിഷേധ യോഗവും സായാഹ്ന ധർണ്ണയും ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.പൂഞ്ഞാർ നിയോജക മണ്ഡലം പ്രസിഡൻ്റ് അഡ്വ.സാജൻ കുന്നത്തിൻ്റെ അദ്ധ്യക്ഷത വഹിച്ച യോഗത്തിൽ സെബാസ്റ്റ്യൻ കുളത്തുങ്കൽ എം.എൽ.എ. മുഖ്യ പ്രഭാഷണം നടത്തി. ജില്ലാ പ്രസിഡന്റ്‌ ലോപ്പസ് മാത്യു, സംസ്ഥാന സെക്രട്ടറി ജോർജ്ജുകുട്ടി ആഗസ്‌തി, പാലാ നിയോജക മണ്ഡലം പ്രസിഡന്റ് ടോബിൻ കെ. അലക്സ്, സംസ്ഥാന കമ്മറ്റിയംഗങ്ങളായ സണ്ണി വാവലാങ്കൽ, ജാൻസ് വയലിക്കുന്നേൽ, നിയോജകമണ്ഡലം സെക്രട്ടറി സോജൻ ആലക്കുളം,കുട്ടിക്കൽ പഞ്ചായത്ത് പ്രസിഡൻ്റ് ബിജോയ് മുണ്ടുപാലം, മണ്ഡലം പ്രസിഡന്റ്‌മാരായ ദേവസ്യച്ചൻ വാണിയപുര,തോമസ് കട്ടക്കൽ, ചാർളി കോശി, ഔസേപ്പച്ചൻ കല്ലങ്ങാട്ട്,സാജു പുല്ലാട്ട്, ജോഷി മൂഴിയാങ്കൽ, അഡ്വ:ഇസഡ് ജേക്കബ്,സംസ്ഥാന കമ്മറ്റിയംഗം സണ്ണി മാത്യു, റ്റിറ്റോ മേലുകാവ്, ജോസുകുട്ടി പൂവേലി,അബേഷ് അലോഷ്യസ്,റോയ്‌ വിളക്കുന്നേൽ,തങ്കച്ചൻ കാരക്കട്ട്,മിനി സാവിയോ, റെജി ഷാജി,എന്നിവർ സംസാരിച്ചു

പ്രാദേശികം

പൂഞ്ഞാർ നിയോജകമണ്ഡലത്തിൽ മുഴുവൻ അംഗൻവാടി കുട്ടികൾക്കും എം.എൽ.എ കുട നൽകുന്നു.

enews 15 October,2024

ഈരാറ്റുപേട്ട : അഡ്വ. സെബാസ്റ്റ്യൻ കുളത്തുങ്കൽ എം.എൽ.എ നേതൃത്വം നൽകുന്ന സേവന-സന്നദ്ധ സംഘടനയായ സർവീസ് ആർമി പൂഞ്ഞാറിന്റെ നേതൃത്വത്തിൽ മണപ്പുറം ഫൗണ്ടേഷന്റെ സഹകരണത്തോടുകൂടി പൂഞ്ഞാർ നിയോജക മണ്ഡലത്തിലെ മുഴുവൻ അംഗൻവാടികളിലെയും കുട്ടികൾക്ക് കുടകൾ വിതരണം ചെയ്യുന്നു. ആകെ 258 അംഗൻവാടികളിലായി പഠിക്കുന്ന 1800 ഓളം കുട്ടികൾക്കാണ് കുടകൾ വിതരണം ചെയ്യുന്നത്. നിയോജക മണ്ഡലത്തിലെ 10 പഞ്ചായത്തുകളിലും , പ്രത്യേകം ചടങ്ങുകൾ സംഘടിപ്പിച്ച് പഞ്ചായത്ത് തല ചടങ്ങുകളിൽ വച്ച് അംഗൻവാടി പ്രവർത്തകർ പഞ്ചായത്ത് മെമ്പർമാരുടെ നേതൃത്വത്തിൽ ഓരോ അംഗൻവാടിയിലെയും കുട്ടികളുടെ എണ്ണത്തിന് അനുസൃതമായ കുടകൾ എം.എൽ.എയുടെ കയ്യിൽ നിന്നും ഏറ്റുവാങ്ങും. തുടർന്ന് ഓരോ അംഗൻവാടികളിലും സംഘടിപ്പിക്കുന്ന ചടങ്ങിൽ അതാത് വാർഡ് മെമ്പർമാർ കുട്ടികൾക്ക് കുട കൈമാറും. കുട വിതരണത്തിന്റെ നിയോജകമണ്ഡലം തല ഉദ്ഘാടനം പതിനെട്ടാം തീയതി വെള്ളിയാഴ്ച രാവിലെ 10 മണിക്ക് പൂഞ്ഞാർ തെക്കേക്കര ഗ്രാമപഞ്ചായത്ത് ഹാളിൽ ഗ്രാമപഞ്ചായത്ത് പ്രസിഡന്റ് ജോർജ് മാത്യുവിന്റെ അധ്യക്ഷതയിൽ അഡ്വ. സെബാസ്റ്റ്യൻ കുളത്തുങ്കൽ എം.എൽ.എ നിർവഹിക്കും. തുടർന്ന് അന്നേദിവസം 11 മണിക്ക് തീക്കോയി ഗ്രാമപഞ്ചായത്ത് ഹാളിലും, 12.15 ന് തിടനാട് ഗ്രാമപഞ്ചായത്ത് ഹാളിലും, 2 മണിക്ക് പൂഞ്ഞാർ ഗ്രാമപഞ്ചായത്ത് ഹാളിലും, 3 മണിക്ക് ഈരാറ്റുപേട്ട വ്യാപാരഭവൻ ഹാളിലും അതാത് തദ്ദേശ സ്വയംഭരണ പ്രദേശങ്ങളിലെ അംഗൻവാടികളിലെ കുട്ടികൾക്കുള്ള കുടകൾ അംഗൻവാടി അധികൃതർക്ക് കൈമാറും. തുടർന്ന് പത്തൊൻപതാം തീയതി ശനിയാഴ്ച രാവിലെ 10 മണിക്ക് കൂട്ടിക്കൽ ഗ്രാമപഞ്ചായത്ത് ഹാളിലും, 11മണിക്ക് കോരുത്തോട് ഗ്രാമപഞ്ചായത്ത് ഹാളിലും, 12.15 ന് എരുമേലി റോട്ടറി ക്ലബ് ഹാളിലും, ഉച്ചകഴിഞ്ഞ് 2 മണിക്ക് മുണ്ടക്കയം ഗ്രാമപഞ്ചായത്ത് ഹാളിലും, 3 മണിക്ക് പാറത്തോട് ഗ്രാമപഞ്ചായത്ത് ഹാളിലും പ്രസ്തുത തദ്ദേശ സ്വയംഭരണ സ്ഥാപനങ്ങളുടെ പ്രദേശത്തുള്ള അംഗൻവാടി കുട്ടികൾക്കുള്ള കുടകൾ കൈമാറും.ത്രിതല പഞ്ചായത്ത് ജനപ്രതിനിധികൾ, വനിതാ- ശിശുവികസന വകുപ്പ് ഉദ്യോഗസ്ഥർ,സാമൂഹ്യ രാഷ്ട്രീയ നേതാക്കൾ തുടങ്ങിയവർ ചടങ്ങുകളിൽ പങ്കെടുക്കും.

പ്രാദേശികം

അരുവിത്തുറ കോളജിൽ അന്താരാഷ്ട്ര ഭക്ഷ്യദിനാചരണം.

web desk 15 October,2024

അരുവിത്തുറ : അരുവിത്തുറ സെൻ്റ് ജോർജസ് കോളജിൽ ഫുഡ് സയൻസ് ഡിപ്പാർട്ട്മെൻ്റിൻ്റെ അഭിമുഖ്യത്തിൽ "അന്താരാഷ്ട്ര ഭക്ഷ്യദിനാചരണം" സംഘടിപ്പിച്ചു. പാറയിൽ ഫുഡ് പ്രൊഡക്ട്സ് കോർപ്പറേറ്റ് ജനറൽ മാനേജരും കോളേജിലെ പൂർവ്വ വിദ്യാർത്ഥിയുമായ കുര്യാച്ചൻ വി പി ഉദ്ഘാടനം ചെയ്ത യോഗത്തിൽ, കോളജ് പ്രിൻസിപ്പൽ പ്രൊഫ ഡോ സിബി ജോസഫ് അധ്യക്ഷത വഹിച്ചു, കോളജ് ബർസാർ റവ ഫാ ബിജു കുന്നയ്ക്കാട്ടു, ഡിപ്പാർട്ട്മെൻ്റ് മേധാവി മിനി മൈക്കിൾ, ഫുഡ് സയൻസ് അസോസിയേഷൻ പ്രസിഡൻ്റ് അമരീഷ് സോമൻ എന്നിവർ സംസാരിച്ചു. ഭക്ഷ്യദിനത്തോട് അനുബന്ധിച്ച് ഒരാഴ്ച നീണ്ടു നിന്ന വിവിധ പരിപാടികളാണ് കോളജിൽ സംഘടിപ്പിച്ചത്. ക്വിസ്, ചിത്രരചന, ചെറുകഥ മത്സരങ്ങൾ കുട്ടികൾക്കായി നടത്തി. കൂടാതെ പാലാ മരിയസദനത്തിലേക്ക് കോളേജിലെ മുഴുവൻ വിദ്യർത്ഥികളിൽനിന്നായി ഭക്ഷ്യവസ്തുക്കൾ സംഭാവനയായി ശേഖരിച്ച് ഭക്ഷ്യദിനത്തോടനുബന്ധിച്ചു നൽകുന്നുമുണ്ട്.

കോട്ടയം

കൂട്ടിക്കൽ ഉരുൾപൊട്ടൽ ദുരന്തത്തിന് മൂന്നു വയസ്

enews 15 October,2024

കോട്ടയം: കൂട്ടിക്കൽ ഉരുൾപൊട്ടൽ ദുരന്തത്തിന് മൂന്നു വയസ്. 2021 ഒക്ടോബർ 16നാണ് കോട്ടയം കൂട്ടിക്കലും സമീപ പഞ്ചായത്തായ ഇടുക്കി ജില്ലയിൽ ഉൾപ്പെട്ട കൊക്കെയാറിലും ഉരുൾപൊട്ടിയത് . 21 പേരാണ് അപകടത്തിൽ മരിച്ചത്.അപകടത്തിനു പിന്നാലെ നൂറിലധികം കുടുംബങ്ങൾ പ്രദേശത്ത് നിന്നും പലായനം ചെയ്തു. മൂന്നു വർഷം പിന്നിടുമ്പോഴും ഇവിടെ പാലങ്ങളുടെയും റോഡുകളുടെയും പുനർനിർമാണം എങ്ങുമെത്തിയിട്ടില്ല. -അന്ന് അതിരാവിലെ മുതൽ പെയ്ത മഴ മണിക്കൂറുകളോളം നീണ്ടു .പിന്നാലെ ദുരന്തവും .2021 ഒക്ടോബർ 16 മഴയുണ്ടാക്കിയ മുറിവ് കുട്ടിക്കലിലും കൊക്കയാറിലും ഉണങ്ങിയിട്ടില്ല ഇന്നും. പ്ലാപ്പള്ളി കാവാലിയിൽ ഒരു കുടുംബത്തിലെ മൂന്നു കുട്ടികൾ ഉൾപ്പെടെ ആറുപേർക്ക് ജീവൻ നഷ്ടമായി .ഇളംകാട്ടിലും കൊക്കയാറിലുമായി നിരവധി ജീവനുകൾ പ്രളയം കവർന്നു. നൂറിലധികം വീടുകൾ വാസയോഗ്യമല്ലാതായി. ഉടുതുണി മാത്രമായി ക്യാമ്പുകളിൽ ഒരുപാട് ജീവിതങ്ങൾ ഓടിക്കയറി കോട്ടയം ഇടുക്കി ജില്ലകളെ തമ്മിൽ ബന്ധിപ്പിക്കുന്ന ഏന്തയാർ പാലം, വെബ്ലി കമ്മ്യൂണിറ്റി പാലം, കൊക്കെയാർ പാലം എന്നിങ്ങനെ പ്രളയം തകർത്തെറിഞ്ഞത് 44 പാലങ്ങൾ. ഇളങ്കാട്- വാഗമൺ റോഡ് ,ഏന്തിയാർ - വടക്കേമല റോഡ് എന്നിങ്ങനെ നിരവധി റോഡുകളും ഇപ്പോഴും പ്രളയത്തിൻ്റെ അവശേഷിപ്പുകളിലേക്ക് വിരൽ ചൂണ്ടുന്നു.വിവിധ മത സാമുദായിക സംഘടനകൾ വീട് നഷ്ടപ്പെട്ടവർക്ക് 15 ഓളം വീടുകൾ നിർമ്മിച്ചു നൽകി. സിപിഎം 25 വീടുകളുടെ നിർമാണം പൂർത്തിയാക്കിയിട്ടുണ്ട്.ഡീൻ കുര്യാക്കോസ് എ. പി നിർമിച്ചു നൽകിയ 20 വീടുകളും ഉടൻ കൈമാറും. ഇവയൊക്കെ ആശ്വാസം പകരുന്ന കാര്യങ്ങളാണ്. എന്നാൽ റോഡുകളും പാലങ്ങളും പുനർനിർമിക്കുന്നതിലുണ്ടായ കാലതാമസം ദുരന്തബാധിതരായ ജനതയെ ഒരു പാട് വേദനിപ്പിക്കുന്നുണ്ട്.

പ്രാദേശികം

ഡിജിറ്റൽ പരിശീലന പരിപാടി നടത്തി.

enews 15 October,2024

ഈരാറ്റുപേട്ട. മുനിസിപ്പാലിറ്റിയിൽ നടപ്പാക്കി വരുന്ന കേരള സർക്കാർ ആവിഷ്കരിച്ച ഡിജിറ്റൽ സാക്ഷരതാ പദ്ധതിയായ " ഡിജി കേരള" യുടെ ഭാഗമായി പൊതുജനങ്ങൾക്ക് നൽകി വരുന്ന പരിശീലന പരിപാടിയിൽ എം ഇ എസ് കോളജിലെ എൻ.എസ് എസ് വോളണ്ടിയർമാർ പരിശീലകരായി. നടക്കൽ അറഫ മദ്രസയിൽ നടന്ന പരിശീലന പരിപാടിയിലാണ് ഇവർ പങ്കെടുത്തത്. മൊബൈൽഫോണിലൂടെ യു.പി ഐ വഴി ഏങ്ങനെ പണമയക്കാം , ഇൻറർനെറ്റ് എങ്ങനെ ഉപയോഗിക്കാം, , വിവിധ ആപ്പുകൾ എങ്ങനെ ഉപയോഗിക്കാം എന്നിവയിലാണ് പരിശീലനം നൽകിയത്. ഈ പരിശീലന പരിപാടിയിൽ പങ്കെടുക്കുന്നതിന് എൻ എസ് എസ് വളണ്ടിയർമാർക്ക് മുനിസിപ്പാലിറ്റി നേരത്തെ പരിശീലനം നൽകിയിരുന്നു.

പ്രാദേശികം

പൂഞ്ഞാർ ജി വി രാജ കുടുംബരോഗ്യ കേന്ദ്രത്തിൽ ലാബിന്റെ ഉത്ഘാടനം നടന്നു

enews 15 October,2024

പൂഞ്ഞാർ ജി വി രാജ കുടുംബരോഗ്യ കേന്ദ്രത്തിൽ ലാബിന്റെ ഉത്ഘാടനം നടന്നു പൂഞ്ഞാർ ഗ്രാമ പഞ്ചായത്ത്‌ പ്രസിഡന്റ്‌ ഗീത നോബിൾ അധ്യക്ഷത വഹിച്ച യോഗത്തിൽ ബഹു പൂഞ്ഞാർ എം എൽ എ അഡ്വ സെബാസ്റ്റ്യൻ കുളത്തുങ്കൽ ഉത്ഘാടനം നിർവഹിച്ചു, ക്ഷേമകാര്യ സ്റ്റാൻഡിങ് കമ്മിറ്റി ചെയർമാൻ മോഹനൻ നായർ സ്വാഗതം ആശംസിച്ചു, ജില്ലാ പഞ്ചായത്ത്‌ മെമ്പർ പി ആർ അനുപമ, പൂഞ്ഞാർ ഗ്രാമപഞ്ചായത്ത് വൈസ് പ്രഴ്സിഡന്റ് തോമസ് ജോസ് കാര്യപുരയിടം, പഞ്ചായത്ത് അംഗങ്ങൾ ബിന്ദു അശോകൻ, രഞ്ജിത് മാളിയേക്കൽ, ബിന്ദു അജി,വിഷ്ണു രാജ്, ഉഷ കുമാരി,ഷാന്റി തോമസ്, വികസന കാര്യ സ്റ്റാൻഡിങ് കമ്മിറ്റി ചെയർ പേഴ്സൺ സുശീല മോഹൻ,വിദ്യാഭ്യാസ ആരോഗ്യ കാര്യ സ്റ്റാൻഡിങ് കമ്മിറ്റി ചെയർ പേഴ്സൺ ലിസമ്മ സണ്ണി, കൂടാതെ, മെഡിക്കൽ ഓഫീസർ സോനു ചന്ദ്രൻ, സിപിഎം ലോക്കൽ സെക്രട്ടറി മധുകുമാർ,ജോഷി മൂഴിയങ്കൽ, വി വി ജോസ് എന്നിവർ പങ്കെടുത്തു

പ്രാദേശികം

കാണ്മാനില്ല

Enews 15 October,2024

ഫോട്ടോയിൽ കാണുന്ന ബൈജു (48) എന്ന വ്യക്തിയെ 14/10/2024 രാവിലെ മുതൽ കാണാതായിട്ടുള്ളതാണ്. ടി യനെ കുറിച്ച് എന്തേലും വിവരം കിട്ടുന്നവർ താഴെ ഉള്ള നമ്പറിൽ വിവരം അറിയിക്കുക. Erattupetta P S - 04822 272228 Ward Member - 9744176605 Arun - 9496322249

പ്രാദേശികം

കരുത്തു തെളിയിച്ച് അരുവിത്തുറ സെന്റ് മേരീസ്

Enews 15 October,2024

ഈരാറ്റുപേട്ട .ഉപജില്ല കായിക മേളയിൽ മികച്ച വിജയം നേടി അരുവിത്തുറ സെന്റ്.മേരീസ് എൽ.പി.സ്കൂളിലെ കായിക പ്രതിഭകൾ തങ്ങളുടെ കരുത്തു തെളിയിച്ചു. 🌹എൽ.പി. ഓവറോൾ സെക്കന്റ് 🌹 മാർച്ച് പാസ്റ്റ് - ഓവറോൾ സെക്കന്റ് 🌹 എൽ.പി. മിനി ബോയ്സ് - ഓവറോൾ ഫസ്റ്റ് 🌹 എൽ.പി. കിഡിസ് ബോയ്സ് -ഓവറോൾ ഫസ്റ്റ് 🌹 എൽ.പി. കിഡിസ് ഗേൾസ് -ഓവറോൾ സെക്കന്റ് ഇങ്ങനെ ഉജ്ജ്വല വിജയമാണ് സെന്റ് മേരീസിന്റെ കൊച്ചു മിടുക്കർ നേടിയെടുത്തത്. നേട്ടങ്ങൾ കൊയ്തെടുത്ത കുട്ടികളേയും പരിശീലനം നല്കിയ അധ്യാപകരേയും സ്കൂൾ ഹെഡ്മാസ്റ്റർ ബിജുമോൻ മാത്യു അഭിനന്ദിച്ചു.

Latest News

Follow Us

Popular News