E News

Latest News

കോട്ടയം

വിദ്യാഭ്യാസം മൂല്യധിഷ്ഠിതമാകണം -സോഷ്യൽ ജസ്റ്റിസ് ഫോറം

enews 8 December,2024

ഈരാറ്റുപേട്ട : വിദ്യഭ്യാസം മൂല്യാധിഷ്ഠിതമാകണമെന്ന് സോഷ്യൽ ജസ്റ്റിസ് ഫോറം സംസ്ഥാന പ്രസിഡന്റ്‌ കെ എം വർഗീസ്. ജനങ്ങളിലുള്ള അന്ധവിശ്വാസങ്ങളും അജ്ഞതയും ഇല്ലാതാക്കുവാൻ ശാസ്ത്ര -സാങ്കേതിക വിദ്യാഭ്യാസം പരിഷകൃത സമൂഹത്തിന് യോജിക്കും വിധം നടപ്പിലാക്കണമെന്നും ഈരാറ്റുപേട്ട ഗവ. മിസ്ലിം എൽ പി സ്കൂൾ ഹാളിൽ വച്ച് ഫോറം സംഘടിപ്പിച്ച "നമ്മുടെ വിദ്യാലയം,നന്മയുടെ ലോകം" സാംസ്‌കാരിക സംഗമം ഉദ്ഘാടനം ചെയ്തുകൊണ്ട് അദ്ദേഹം പറഞ്ഞു.സംസ്ഥാന കമ്മിറ്റി അംഗം ഡോ പ്രവീണ അഭിജിത് അധ്യക്ഷത വഹിച്ചു. പ്രതിഭാസംഗമം ഈരാറ്റുപേട്ട നഗരസഭ ചെയർപേഴ്സൺ സുഹ്‌റ അബ്‌ദുൾ ഖാദറും കുഞ്ഞിളം കയ്യിൽ സമ്മാനവിതരണം സംസ്ഥാന ജോയിന്റ് സെക്രട്ടറി ജോഷിബ ജെയിംസും ഉദ്ഘാടനം ചെയ്തു.സംസ്ഥാന എക്സി.മെമ്പർ ഷീല ദിലീപ് മുഖ്യപ്രഭാഷണം നടത്തി. വിദ്യാഭ്യാസ സ്റ്റാൻഡിങ് കമ്മിറ്റി ചെയർപേഴ്സൺ സുഹാന ജിയാസ് മാതാപിതാക്കന്മാരേയും നഗരസഭ അംഗം പി എം അബ്‌ദുൾ ഖാദർ അധ്യാപകരേയും ആദരിച്ചു.ജെയ്സൺ ജേക്കബ്, കെ കെ രാധാകൃഷ്ണൻ, റ്റി വൈ ജോയി, കെ എൻ ഹുസൈൻ, ദിലീപ് തച്ചേരിൽ, ഹസ്സീന മുർഹാൻ, ബീമ അഫ്സൽ, ഷെമി സവാദ്, അൻസൽന സിറാജ് തുടങ്ങിയവർ സംസാരിച്ചു. സ്കൂൾ ഹെഡ്മാസ്റ്റർ മാത്യു കെ ജോസഫ് സ്വാഗതവും മേഖല പ്രസിഡന്റ്‌ പി പി മുഹമ്മദ്‌ ഖാൻ കൃതജ്ഞതയും രേഖപ്പെടുത്തി.

പ്രാദേശികം

ഈരാറ്റുപേട്ടയിൽ രണ്ട് കുടിവെള്ള പദ്ധതികൾക്കായി 23.5 ലക്ഷം രൂപ അനുവദിച്ചു

Enews 8 December,2024

ഈരാറ്റുപേട്ട : സംസ്ഥാന ഭൂജല വകുപ്പ് മുഖേന കുഴൽക്കിണറുകൾ ജലസ്രോതസായി ആവിഷ്കരിക്കുന്ന ശുദ്ധജല വിതരണ സ്കീമിൽ പെടുത്തി ഈരാറ്റുപേട്ട നഗരസഭ 25-)o വാർഡിൽ ആനിപ്പടി പ്രദേശത്തെ 250 ഓളം വീട്ടുകാർക്ക് പ്രയോജനപ്പെടുന്ന ആനിപ്പടി കുടിവെള്ള പദ്ധതിക്ക് 14.5 ലക്ഷം രൂപയും, 14-)o വാർഡിലെ 100 ലധികം കുടുംബങ്ങൾക്ക് പ്രയോജനപ്പെടുന്ന മുല്ലൂപ്പാറ കുടിവെള്ള പദ്ധതിക്ക് 9 ലക്ഷം രൂപയും ഉൾപ്പെടെ ആകെ 23.5 ലക്ഷം രൂപയ്ക്കാണ് ഭരണാനുമതി ലഭിച്ചിട്ടുള്ളത് . പ്രസ്തുത പദ്ധതികളുടെ വിശദമായ പ്രോജക്ട് റിപ്പോർട്ടും എസ്റ്റിമേറ്റും തയ്യാറാക്കി സംസ്ഥാന ഭൂജല വകുപ്പ് ഡയറക്ടറേറ്റിൽ സമർപ്പിക്കുകയും ജലവിഭവകുപ്പ് മന്ത്രി റോഷി അഗസ്റ്റിന് നിവേദനം നൽകുകയും ചെയ്തത് പ്രകാരമാണ് തുക അനുവദിച്ചിട്ടുള്ളതെന്ന് അഡ്വ. സെബാസ്റ്റ്യൻ കുളത്തുങ്കൽ എംഎൽഎ അറിയിച്ചു. ഈ പദ്ധതികൾ നടപടിക്രമങ്ങൾ പൂർത്തീകരിച്ച് ഈ മാസം തന്നെ ടെൻഡർ ചെയ്യുമെന്നും ജനുവരി,ഫെബ്രുവരി മാസങ്ങളിലായി നിർമ്മാണ പ്രവർത്തികൾ പൂർത്തീകരിച്ച് പദ്ധതി കമ്മീഷൻ ചെയ്ത് ജലവിചാരണം നടത്തുമെന്നും എംഎൽഎ കൂട്ടിച്ചേർത്തു. പ്രസ്തുത പദ്ധതികൾ യാഥാർത്ഥ്യമാകുന്നതോടെ ആനിപ്പടി,മുല്ലൂപ്പാറ, കോട്ടയം കട ജംഗ്ഷൻ പ്രദേശങ്ങളിലെ ജനങ്ങൾ കാലങ്ങളായി അനുഭവിച്ചുവന്നിരുന്ന കുടിവെള്ളക്ഷാമത്തിന് ശാശ്വത പരിഹാരമാകുമെന്നും എംഎൽഎ കൂട്ടിച്ചേർത്തു.

പ്രാദേശികം

സൗജന്യ കാർഷിക യന്ത്ര അറ്റകുറ്റപ്പണി മെഗാ ക്യാമ്പ് ഈരാറ്റുപേട്ടയിൽ നാളെ മുതൽ

Enews 8 December,2024

ഈരാറ്റുപേട്ട: കേരള കൃഷി വകുപ്പും കേരളസംസ്ഥാന കാർഷിക യന്ത്രവൽക്കരണം മിഷനും സംയുക്തമായി സംഘടിപ്പിക്കുന്ന സൗജന്യ കാർഷിക യന്ത്ര അറ്റകുറ്റപ്പണി മെഗാ ക്യാമ്പ് ഈരാറ്റുപേട്ടയിൽ. നാളെ (ഡിസം.) മുതൽ 23-ാം തീയതി വരെ ഈരാറ്റുപേട്ട കൃഷി അസിസ്റ്റന്റ് ഡയറക്ടറുടെ ഓഫീസിൽ ആണ് 'കാർഷിക യന്ത്രം സർവം ചലിതം' എന്ന പേരിലുള്ള ക്യാമ്പ് നടക്കുക. ഈരാറ്റുപേട്ട ബ്ലോക്ക് കീഴിലെ വിവിധ പഞ്ചായത്തുകളിലെ കർഷകരുടെ കേടുപാടുകൾ സംഭവിച്ചിരിക്കുന്ന കാർഷിക യന്ത്രങ്ങൾ സൗജന്യമായി അറ്റകുറ്റപ്പണികൾ തീർത്തു നൽകുന്ന ക്യാമ്പിൽ കേരള സംസ്ഥാന കാർഷിക യന്ത്രവൽക്കരണ മിഷന്റെ വിദഗ്ധരായ മെക്കാനിക്കുകളുടെ സേവനം ലഭ്യമാണ്. സ്പെയർപാർട്സുകളുടെ വില മാത്രം ഉടമ വഹിച്ചാൽ മതിയാകും. ട്രാക്ടർ, പവർ കാടുവെട്ടിയന്ത്രം, മെഷീൻ വാൾ, പെട്രോൾ- ഡീസൽ തുടങ്ങിയവയിൽ പ്രവർത്തിക്കുന്ന സ്പ്രയറുകൾ, പമ്പ് സെറ്റ്, ഗാർഡൻ ടില്ലർ, എർത്ത് ഓഗർ, മിനി ടില്ലർ തുടങ്ങിയവയാണ് സൗജന്യമായി ശരിയാക്കി നൽകുന്നത്. കൂടുതൽ വിവരങ്ങൾക്ക് 9846761272, 9746372077, 7907509261 ഈ നമ്പറുകളിൽ ബന്ധപ്പെടാവുന്നതാണ്.

മരണം

പുള്ളോലിൽ വീട്ടിൽ പി കെ അബ്ദുൽ സലാം (PK)(73) വയസ്സ് നിര്യതനായി*

Enews 7 December,2024

ഈരാറ്റുപേട്ട .തെക്കേക്കര പുല്ലോലിയിൽ പി കെ അബ്ദുൾസലാം (73)നിര്യാതനായി.,നാഗർകോവിലിലെ ജനറൽ ട്രേഡേഴ്സ് കമ്പനിയുടെ സ്ഥാപകരിലൊരാളായിരുന്നു പരേതൻ .ദീർഘകാലമായി നാഗർകോവിലിൽ ബിസിനസ് നടത്തിവരുകയായിരുന്നു.സമൂഹിക വിദ്യാഭ്യാസ രംഗങ്ങളിൽ സജീവമായി പ്രവർത്തിച്ചിരുന്നു തിരുവനന്തപുരം മുസ്ലിം അസോസിയേഷൻ അംഗമായിരുന്നു'ഖബറക്കം തിങ്കളാഴ്ച രാവിലെ 10ന് ഈരാറ്റുപേട്ട തെക്കേക്കര മുഹിയിദ്ദീൻ പള്ളി ഖബർസ്ഥാനിൽ ഭാര്യ സുലേഖ തലനാട് പാലേറ്റ് കുടുംബാംഗംമക്കൾ .പി എ ഫൈസൽ പി എ അഫ്സൽ പി എ അൻസർ പി എ അൻവർ .മരുമക്കൾ ഷഹനാസ് ഫൈസൽ കൊല്ലം ,ഡോ. സിമിയ അഫ്സൽ കൊല്ലം ,സനു അൻസർ ഇരാറ്റുപേട്ട ,അഷിമ അൻവർ കാഞ്ഞിരപ്പള്ളി

പ്രാദേശികം

ഗൈഡൻസ് പബ്ലിക് സ്കൂൾ സയൻസ് ക്ലബ്ബ് സംഘടിപ്പിച്ച "പ്രിസ്മാറ്റിക്ക ദ ഗൈഡൻസ് എക്സ്പോ" വിവിധ പരിപാടികളോടെ സ്കൂൾ ക്യാംപസിൽ നടന്നു

Enews 7 December,2024

ഈരാറ്റുപേട്ട :ഗൈഡൻസ് പബ്ലിക് സ്കൂൾ സയൻസ് ക്ലബ്ബ് സംഘടിപ്പിച്ച "പ്രിസ്മാറ്റിക്ക ദ ഗൈഡൻസ് എക്സ്പോ" വിവിധ പരിപാടികളോടെ സ്കൂൾ ക്യാംപസിൽ നടന്നു. കുട്ടികൾ ഒരുക്കിയ ശാസ്ത്ര പ്രദർശനം ഏറെ വിസ്മയമായി.സൗരയൂഥത്തെക്കുറിച്ചുള്ള വിസ്മയ കാഴ്ചകൾ ഒരുക്കുന്ന പ്ലാനറ്റോറിയം പ്രദർശനം, ശാസ്ത്ര ക്വിസ്സ്, വ്യത്യസ്ത മത്സരങ്ങൾ എന്നിവയും സംഘടിപ്പിച്ചു.ഇത്രയും വിപുലമായ ഒരു ശാസ്ത്ര പ്രദർശനം ആദ്യമായിട്ടാണ് ഗൈഡൻസിൽ സംഘടിപ്പിക്കുന്നത്. അരുവിത്തറ സെൻ്റ് ജോർജ്ജ് കോളേജ് മുൻ സയൻസ് അധ്യാപകൻ, എം.ജി യൂണിവേഴ്സിറ്റി സിൻഡിക്കേറ്റ് അംഗം, പി.എസ്.സി മെമ്പർ തുടങ്ങി വിവിധ മേഖലകളിൽ പ്രവർത്തിച്ച പ്രൊഫ. ലോപ്പസ് മാത്യു എക്സിബിഷൻ ഉദ്ഘാടനം ചെയ്തു. ശാസ്ത്രം മനുഷ്യൻ്റെ വിശ്വസ്ത സേവകനാണ്. അത് നമ്മുടെ ദൈനംദിന ജീവിതത്തെ മാറ്റിമറിച്ചു, ശാസ്ത്രം ആകാശത്ത് വ്യാപിച്ചു,സമുദ്രം അളന്നു, പ്രകൃതിയുടെ പല രഹസ്യങ്ങളും വെളിപ്പെടുത്തി. അതുകൊണ്ട് ആധുനിക ലോകത്ത് ശാസ്ത്രത്തിൻ്റെ പ്രാധാന്യം നമുക്ക് അവഗണിക്കാനാവില്ല. ഭാവി ജീവിതത്തിനായി കുട്ടികളെ വാർത്തെടുക്കുന്ന സ്ഥലമാണ് സ്കൂൾ. കുട്ടികൾ നാളെയുടെ വാഗ്ദാനങ്ങളാണ്. അതിനാൽ ശാസ്ത്രത്തിൻ്റെ പ്രാധാന്യത്തെക്കുറിച്ച് അവരെ ബോധവാന്മാരാക്കണം. സ്‌കൂളുകളിലെ ശാസ്‌ത്ര പ്രദർശനങ്ങൾ ഇക്കാര്യത്തിൽ നിർണായക പങ്കുവഹിക്കുന്നു. ശാസ്‌ത്ര പ്രദർശനങ്ങൾ വിദ്യാർഥികളിൽ ശാസ്‌ത്രീയ ചൈതന്യം സൃഷ്‌ടിക്കുകയും അവരുടെ ചിന്താശേഷിയും വർദ്ധിപ്പിക്കുകയും ചെയ്യുന്നു.കുട്ടികളെ ക്രിയാത്മകവും അന്വേഷണാത്മകവുമാക്കാൻ ഇവയ്ക്ക് കഴിയും. ഒരു കുട്ടിക്ക് സ്വന്തം കൈകൊണ്ട് ഒരു പ്രോജക്റ്റ് അല്ലെങ്കിൽ വർക്കിംഗ് മോഡൽ നിർമ്മിക്കാനുള്ള അവസരം ലഭിക്കുന്നു. ഒരു ഉപകരണത്തിൻ്റെ പ്രവർത്തനത്തിൻ്റെ അടിസ്ഥാന തത്വങ്ങളെക്കുറിച്ച് ആകുട്ടി മനസ്സിലാക്കുന്നു... ഇത് തുടക്കമാണ്. വരുംവർഷങ്ങളിൽ കൂടുതൽ മികവോടെ ഇത് തുടരണം. ഇതിൻ്റെ പിന്നിൽ പ്രവർത്തിക്കുന്ന എല്ലാവർക്കും നന്ദി അറിയിക്കുന്നു.

കോട്ടയം

തീക്കോയി ഗ്രാമപഞ്ചായത്ത് ഭിന്നശേഷി കലോത്സവം ഉണർവ് 2024

Enews 7 December,2024

തീക്കോയി ഗ്രാമപഞ്ചായത്ത് 2024-25 വാർഷിക പദ്ധതി പ്രകാരം ഭിന്നശേഷിക്കാരായ കുട്ടികളുടെ കലാപരമായ കഴിവുകൾ പരിപോഷിപ്പിക്കുന്നതിന് വേണ്ടി ഉണർവ് 2024 എന്ന പ്രോഗ്രാം ഗ്രാമപഞ്ചായത്ത് ഓഡിറ്റോറിയത്തിൽ സംഘടിപ്പിച്ചു. ഗ്രാമപഞ്ചായത്ത് വൈസ് പ്രസിഡന്റ് മാജി തോമസിൻ്റെ അധ്യക്ഷതയിൽ ചേർന്ന യോഗം പ്രസിഡൻ്റ് കെ സി ജെയിംസ് ഉദ്ഘാടനം ചെയ്തു. ബ്ലോക്ക് പഞ്ചായത്ത് മെമ്പർ ഓമന ഗോപാലൻ, സ്റ്റാൻഡിങ് കമ്മിറ്റി ചെയർമാൻമാരായ മോഹനൻ കുട്ടപ്പൻ, ബിനോയി ജോസഫ്, ജയറാണി തോമസുകുട്ടി, മെമ്പർമാരായ സിറിൽ റോയി,സിബി രഘുനാഥൻ, മാളു ബി മുരുകൻ, രതീഷ് പി എസ്, ദീപ സജി, അമ്മിണി തോമസ്, നജീമ പരിക്കൊച്ച്, ഐസിഡിഎസ് സൂപ്പർവൈസർ ബുഷ്റ, സിഡിഎസ് ചെയർപേഴ്‌സൺ ഷേർലി ഡേവിഡ് തുടങ്ങിയവർ പ്രസംഗിച്ചു. കുടുംബശ്രീ സിഡിഎസ് മെമ്പർമാർ, അങ്കണവാടി ജീവനക്കാർ, ഭിന്നശേഷിക്കാരായ കുട്ടികളുടെ മാതാപിതാക്കൾ തുടങ്ങിയവർ പരിപാടിയിൽ പങ്കെടുത്തു. ഭിന്നശേഷി കലോത്സവത്തിൽ പങ്കെടുത്ത മുഴുവൻ കുട്ടികൾക്കും സമ്മാനങ്ങൾ വിതരണം ചെയ്തു.

മരണം

കാഞ്ഞിരപള്ളി: അമീൻ ബേക്കറി ഉടമ പാറക്കടവിൽ ഹാജി അബ്ദുൽ സമദ് (65) നിര്യാതനായി.

Enews 6 December,2024

കാഞ്ഞിരപ്പള്ളി പാറക്കടവിൽ പാറയിൽ ഹാജി P. K. അബ്ദുൽ സമദ് (64)(അമീൻ ബേക്കറി) നിര്യാതനായി. ഖബറടക്കം 7-12-24ശനിയാഴ്ച ഉച്ചക്ക് കാഞ്ഞിരപ്പള്ളി നൈനാർ പള്ളി ഖബർസ്താനിൽ. ഭാര്യ വഹീദ സമദ് (ഈരാറ്റുപേട്ട പാറയിൽ കുടുംബാംഗം ). മക്കൾ, അമീൻ,മുബീന, ഫാത്തിമ, ജാഇസ. മരുമക്കൾ-ഹസീന തൂക്കുപാലം, ഷമീർ മൗലവി തൊടുപുഴ, അസ്‌ലം മൗലവി എറണാകുളം,അസ്ഹർ എറണാകുളം.

മരണം

ഫാത്തിമ അബ്ദുൽകാദർ കുന്നപ്പള്ളിൽ 85വയസ് നിര്യാതയായി

Enews 6 December,2024

ഫാത്തിമ അബ്ദുൽകാദർ കുന്നപ്പള്ളിൽ 85വയസ് നിര്യാതയായി. കബറടക്കം നാളെ ശനി 1മണിക്ക് ഈരാറ്റുപേട്ട പുത്തൻപള്ളിയിൽ മക്കൾ ബഷീർ. മുഹമ്മദ്‌ ഇബ്രാഹിം. നാസർ. (Exel glas house)പരീത്. ഹാഷിം. മരിയത്ത്. സലീന. മരുമക്കൾ. റഷീദ്. നിസാർ. ജമീല. ആമിന. നിസി. ജസീല. റിൻസി. പരേത കൊടിത്ഞൊട്ടം കുടുംബഗം

Latest News

Follow Us

Popular News