E News

പ്രാദേശികം

ഈരാറ്റുപേട്ടയിൽ കമ്യൂണിറ്റി സെൻ്റർ പണിയാൻ അഡ്വ. ഹാരിസ് ബീരാൻ എം.പി 55 ലക്ഷം രൂപ അനുവദിച്ചു.

Enews 3 September,2024

ഈരാറ്റുപേട്ട. വടക്കേക്കരയിൽ പി കെ അലിയാർ മെമ്മോറിയൽ കമ്യൂണിറ്റി സെൻ്ററും മിനി ഓഡിറ്റോറിയവും പണിയാൻ അഡ്വ.ഹാരിസ് ബീരാൻ എം.പിയുടെ ആസ്തി വികസന ഫണ്ടിൽ നിന്നും 55 ലക്ഷം രൂപ നഗരസഭയ്ക്ക് അനുവദിച്ചു ഈരാറ്റുപേട്ട നഗരസഭ മുസ്ലി ലീഗ് കമ്മിറ്റി കഴിഞ്ഞ ജൂലൈ 21 ന് ബറക്കാത്ത് ഓഡിറ്റോറിയത്തിൽ ഹാരിസ് ബീരാൻ എം.പിക്ക് സ്വീകരണം നൽകീയിരുന്നു. ഈ സ്വീകരണ സമ്മേളനത്തിൽ വെച്ച് ചെയർപേഴ്സൺ സുഹുറ അബ്ദുൽ ഖാദറും നഗരസഭ യു.ഡി.എഫ് കൗൺസിലന്മാരും ചേർന്ന് ഈരാറ്റുപേട്ടയിൽ കമ്യൂണിറ്റി സെൻ്ററും മിനി ഓഡിറ്റോറിയവും പണിയാൻ 55 ലക്ഷം രൂപ ഫണ്ട് അനുവദിക്കണമെന്ന് അഡ്വ.ഹാരിസ് ബീരാന് നിവേദനം നൽകീയിരുന്നു. ഇതെ തുടർന്നാന്ന് എം.പി ഫണ്ട് അനുവദിച്ചത്

പ്രാദേശികം

അരുവിത്തുറ കോളേജിൻ്റെ വജ്രജൂബിലി ആഘോഷങ്ങൾക്ക് 5 ന് തിരിതെളിയും.

web 2 September,2024

ഈരാറ്റുപേട്ട : അരുവിത്തുറ സെന്റ് ജോർജസ്സ് കോളേജിൻ്റെ വജ്രജൂബിലി ആഘോഷങ്ങൾക്ക് 5-ാം തീയതി വ്യാഴാഴ്ച്ച തിരി തെളിയും. ഒരു വർഷം നീണ്ടു നിൽക്കുന്ന ആഘോഷങ്ങളുടെ ഉദ്ഘാടനം പാലാ രൂപതാധ്യക്ഷൻ മാർ ജോസഫ് കല്ലറങ്ങാട്ട് നിർവഹിക്കും. ചടങ്ങിൽ എം.പി ഫണ്ടിൽ നിന്നനുവദിച്ച കമ്പ്യൂട്ടർ ലാബിൻ്റെ ഉദ്ഘാടനം ജോസ് കെ മാണി എം.പി നിർവഹിക്കും. കോളേജ് മാനേജർ വെരി റവ. ഫാ. സെബാസ്റ്റ്യൻ വെട്ടുകല്ലേൽ അധ്യക്ഷത വഹിക്കുന്ന ചടങ്ങിൽ ആൻ്റൊ ആൻ്റണി എംപി, അഡ്വ. സെബാസ്റ്റ്യൻ കുളത്തുങ്കൽ എം.ൽ. എ, മുൻ എം എൽ എ പിസി ജോർജ് ഈരാറ്റുപേട്ട മുൻസിപ്പൽ ചെയർപേഴ്സൺ സുഹ്റാ അബ്ദുൾ ഖാദർ, കോളേജ്‌ പ്രിൻസിപ്പൽ പ്രൊഫ. ഡോ. സിബി ജോസഫ്, കോളേജ് ബർസാർ റവ. ഫാ. ബിജു കുന്നക്കാട്ട്, വൈസ് പ്രിൻസിപ്പൽ ഡോ. ജിലു ആനി ജോൺ തുടങ്ങി നിരവധി പ്രമുഖർ സംസാരിക്കും. വജ്ര ജൂബിലിയോടനുബന്ധിച്ച് 60 ഇന കർമ്മപരിപാടികൾക്കാണ് കോളേജ് തുടക്കം കുറിക്കുന്നത്. വജ്രജൂബിലി മെഗാ എക്സ്പോ, ഫിലിം എക്സിബിഷൻ,ഭവന നിർമ്മാണ പദ്ധതി, ദേശീയ അന്തർ ദേശീയ സെമിനാറുകൾ, വനിതാ ശാക്തികരണ പരിപാടികൾ, കലാ സാംസ്കാരിക പരിപാടികൾ, പൂർവ്വ വിദ്യാർത്ഥി മഹാസംഗമം തുടങ്ങി നിരവധി പരിപാടികളാണ് അണിയറയിൽ ഒരുങ്ങുന്നത്.

പ്രാദേശികം

വജ്രശോഭയിൽ അരുവിത്തുറ കോളേജ്.

web 2 September,2024

ഈരാറ്റുപേട്ട : മധ്യതിരുവിതാംകൂറിൻ്റെ കിഴക്കൻ മലയോര മേഖലകളുടെ ഉന്നത വിദ്യാഭ്യാസ സ്വപ്നങ്ങൾക്ക് ചിറകുകൾ സമ്മാനിച്ച അരുവിത്തുറ സെൻ്റ് ജോർജസ്സ് കോളേജ് അറു ദശകങ്ങൾ പിന്നിട്ട് വജ്രജൂബിലി വർഷത്തിലേക്ക് പ്രവേശിക്കുകയാണ്. 1965 ജൂലൈ 19 ന് അന്നത്തെ അരുവിത്തുറ ഫൊറോന വികാരിയായിരുന്ന വെരി റവ ഫാ. തോമസ് മണക്കാട്ട്, ഇടവകക്കാരനും അരുവിത്തുറയുടെ വികസനത്തിൽ നിർണ്ണായക സ്വാധീനം ചെലുത്തിയിരുന്ന റവ. ഫാ. തോമസ് അരയത്തിനാൽ എന്നിവരുടെ നേതൃത്വത്തിൽ ഒരു ജൂനിയർ കോളേജ് അരുവിത്തുറയിൽ പിറവിയെടുക്കുകയായിരുന്നു. ഇടവകക്കാരുടെ കഠിനാധ്വാനവും വിദ്യാഭ്യാസത്തോടുള്ള യുവതയുടെ അഭിമുഖ്യവും കൈമുതലാക്കി ഈ കലാലയം അതിവേഗം വളർന്നു. 1978 ൽ വിവിധ ഡ്രിഗ്രി കോഴ്സ്സുകൾ ഈ കലാലയത്തിൻ്റെ ഭാഗമായി. 1994 ൽ യുജിസിയുടെ അഫിലിയേഷൻ ലഭിച്ച കോളേജിൽ 1995 ൽ പി .ജി കോഴ്സ്സുകളും ആരംഭിച്ചു.ദൃശ്യമാധ്യമ രംഗത്ത് രാജ്യത്തുടനീളമുണ്ടായ വിപ്ലവകരമായ മാറ്റത്തിന് ഒപ്പം നിന്ന അരുവിത്തുറ കോളേജ് 1999 നവബർ 16 ന് കമ്മ്യൂണിറ്റി ടെലികാസ്റ്റിങ്ങ് സെൻ്ററെന്ന ആശയത്തിന് തുടക്കം കുറിച്ചു. വിവിധ സാറ്റലൈറ്റ് ചാനലുകൾക്കൊപ്പം മൂന്നാമത്തെ മലയാളം ചാനലായ കോളേജിൻ്റെ സ്വന്തം എസ്സ്.ജി.സി ടി വി യും നമ്മുടെ വീടുകളിലേക്ക് എത്തി. ഇതിനായി 14 ഫ്രാഞ്ചൈസികളെ യോജിപ്പിച്ച് എസ്സ് ജി സി കേബിൾ നെറ്റ് വർക്കിനും കോളേജ് രൂപം നൽകി. എസ്സ്. ജി.സി. ടി.വി യുടെ സൗകര്യങ്ങൾ പ്രയോജനപ്പെടുത്തി ആരംഭിച്ച വിവിധ മീഡിയ കോഴ്സ്സുകളിലൂടെ നിരവധി പത്ര ദൃശ്യമാധ്യമപ്രവർത്തകരെയും ചലച്ചിത്രതാരങ്ങളെയും മലയാളത്തിനു സമ്മാനിക്കാൻ കോളേജിനു കഴിഞ്ഞു. 2000 ത്തിൽ കോളേജിൽ നടന്ന നാക്ക് അക്രഡിറ്റേഷനിൽ 4 സ്റ്റാർ പദവി നേടിയ അരുവിത്തുറ കോളേജ് 2008 ൽ നടന്ന നാക്ക് റീ അക്രഡിറ്റേഷനിൽ ജില്ലയിൽ ആദ്യമായി എ ഗ്രേഡ് അക്രഡിറ്റേഷൻ നേടുകയും 2015 ൽ എ ഗ്രേഡ് നിലനിർത്തുകയും ചെയ്തു. ഒടുവിൽ 2023 ൽ പുതിയ മാനദണ്ഡങ്ങളനുസരിച്ച് നടന്ന നാക്ക് റി അക്രഡിറ്റേഷനിൽ ഏഴുവർഷം കാലാവധിയോടു കൂടിയ എ++ അക്രഡിറ്റേഷൻ നേടുന്ന കേരളത്തിലെ ആദ്യ കാലാലയമായി മാറി. വിദ്യാഭ്യാസ രംഗത്തു മാത്രമല്ല കലാകായികരംഗങ്ങളിലും അരുവിത്തുറയുടെ അജയ്യത അനസ്യൂതം തുടർന്നു. ഗ്യാലറികളെ അവേശത്തിലാക്കി അരുവിത്തുറ സെന്റ് ജോർജിന്റെ ചുണക്കുട്ടികൾ വോളിബോൾ കോർട്ടുകളിൽ നിറഞ്ഞാടിയപ്പോൾ ഗുസ്തിയിൽ വാനോളം പെരുമയാണ് കോളേജിൻ്റെ വനിതാ ഗുസ്തി ടീം നേടിയത്. പവർ ലിഫ്റ്റിങ്ങ്, വെയ്റ്റ് ലിഫ്റ്റിങ്ങ്, കബഡി, യോഗ തുടങ്ങി നിരവധി കായിക ഇനങ്ങളിൽ പതിറ്റാണ്ടുകളോളം അരുവിത്തുറ പെരുമ നിലനിന്ന് പോന്നു. മീനച്ചിലാറിന്റെ തീരത്ത് 27 ഏക്കറിലായി സ്‌ഥിതി ചെയ്യുന്ന ഹരിതാഭ നിറഞ്ഞ ക്യാംപസിൽ ലോകനിലവാരത്തിലുള്ള സൗകര്യങ്ങളാണ് ഒരുക്കിയിട്ടുള്ളത്. 17 സയൻസ് ലാബുകളും 9 കമ്പ്യൂട്ടർ ലാബുകളും 7 സെമിനാർ ഹാളുകളും കോൺഫറൻസ് റൂമുകളും വിശാലമായ സ്‌റ്റുഡിയോ ഫ്ലോറും ഓഡിയോ ബൂത്തും ഡിജിറ്റൽ തിയ്യേറ്ററും അന്താരാഷ്ട്ര നിലവാരമുള്ള ലൈബ്രറിയും റീഡിങ്ങ് റൂമുകളും ഉൾപ്പെടെയുള്ള സൗകര്യങ്ങളും ഒരുക്കിയിട്ടുണ്ട്. ഒരു കലാലയം എന്നതിലുപരി സമൂഹത്തിൻ്റെ അടിസ്ഥാന ആവശ്യങ്ങൾ തിരിച്ചറിഞ്ഞ് പ്രവർത്തിക്കുന്ന അഭയ കേന്ദ്രം കൂടിയാണ് ഈ വിദ്യാ ക്ഷേത്രം. കോവിഡ് മഹാമാരിയുടെ കാലത്ത് ജില്ലയിൽ തന്നെ ഏറ്റവും വലിയ കോവിഡ് ആശുപത്രിയായി ഈ കലാലയം മാറിയിരുന്നു. ഭവനരഹിതർക്ക് ഭവനങ്ങൾ സമ്മാനിച്ചും പ്രകൃതി ദുരന്തങ്ങളിൽ സമാശ്വാസം നൽകിയും സമൂഹിക തിൻമകൾക്കെതിരെ ശക്തമായ പ്രതികരണങ്ങൾ നടത്തിയും മീനച്ചിൽ നദീ സംരക്ഷണ പ്രവർത്തനങ്ങളിൽ മുന്നണി പോരാളികളായും ഈ കലാലയം തങ്ങളുടെ ഭാഗധേയം ഉറപ്പിച്ചിട്ടുണ്ട്. കോളേജിൽ പ്രവർത്തിക്കുന്ന ഓട്ടോമേറ്റഡ് വെതർ സ്റ്റേഷനും പ്രദേശത്ത് വിവിധ ഇടങ്ങളിലായി സ്ഥാപിച്ചിട്ടുള്ള മഴമാപിനികളും പ്രയോജനപ്പെടുത്തി കാലാവസ്ഥ സംബന്ധമായ വിവരങ്ങൾ ആധികാരികമായി പൊതുജനങ്ങൾക്ക് നൽകുന്നതിനുള്ള സംവിധാനവും കോളേജ് ഒരുക്കിയിട്ടുണ്ട് .കെട്ടിലും മട്ടിലും അടിമുടി മാറ്റങ്ങളോടെയാണ് കോളേജ് വജ്ര ജൂബിലിയെ വരവേൽക്കുന്നത്. ക്യാംപസിൽ പണിതീർത്ത സാന്ത സോഫിയ ബ്ലോക്ക് ഒരു വിസ്മയ നിർമ്മിതിയാണ്. കമനീയമായ അകത്തളങ്ങളിൽ ലോക നിലവാരമുള്ള ഗ്രന്ഥശാലയും വായനാമുറികളും അത്യാധുനിക സംവിധാനങ്ങളോടുകൂടിയ ഡിജിറ്റൽ തിയ്യേറ്ററും കോൺഫ്രൻസ് ഹാളുകളും ഗസ്റ്റ് സ്യൂട്ടുകളും ഒരുക്കിയിരുന്നു. കോളേജിൻ്റെ അടിസ്ഥാനസൗകര്യ വികസനത്തിൻ്റെ ഭാഗമായി നിർമ്മിച്ച പിജി സയൻസ് ബ്ലോക്ക് മനോഹരമായി മറ്റൊരു നിർമ്മിതിയാണ്. ആധുനിക സൗകര്യങ്ങളോടു കൂടിയ റിഫക്ടറിയും ഓപ്പൺ ജിംനേഷ്യവും നവീകരിച്ച ഓഫീസ് റൂമുമെല്ലാം വജ്രജൂബിലിയുടെ സ്മരണകൾ നിലനിർത്തും. കോളേജിൻ്റെ വജ്രജൂബിലി ആഘോഷങ്ങൾക്ക് 2024 സെപ്റ്റംബർ 5 ന് പാലാ രൂപതാധ്യക്ഷൻ മാർ ജോസഫ് കല്ലറങ്ങാട്ട് തിരിതെളിക്കും. ദേശീയ വിദ്യാഭ്യാസ നയത്തിന്റെ ഭാഗമായി ബിരുദ വിദ്യാഭ്യാസം പുനർക്രമീകരിച്ച ശേഷം 18 മേജർ യു.ജി പ്രോഗ്രാമുകളും 5 പി ജി പ്രോഗ്രാമുകളും 2 റിസേർച്ച് പി.ജി ഡിപ്പാർട്ടുമെൻ്റുകളിലുമായി 1800 ഓളം വിദ്യാർത്ഥികളും നൂറിൽപരം അദ്ധ്യാപകരും 50 തോളം അനദ്ധ്യാപകരും ഈ ക്യാംപസിൻ്റെ ഭാഗമാണ്. അരുവിത്തുറ സെൻ്റ് ജോർജ് ഫൊറോനാ വികാരിയും കോളേജ് മാനേജറുമായ വെരി. റവ. ഫാ. സെബാസ്റ്റ്യൻ വെട്ടുകല്ലേൽ, കോളേജ് പ്രിൻസിപ്പൽ പ്രൊഫ. ഡോ. സിബി ജോസഫ്, കോളേജ് ബർസാറും കോഴ്സ്സ് കോഡിനേറ്ററുമായ റവ. ഫാ. ബിജു കുന്നക്കാട്ട്, വൈസ് പ്രിൻസിപ്പൽ ഡോ. ജിലു ആനി ജോൺ എന്നിവരുടെ ധൈഷ്ണിക നേതൃത്വത്തിൽ കൂടുതൽ ഉയരങ്ങളിലേക്ക് കാലത്തിനു മുൻപേ പറക്കാൻ ഒരുങ്ങുകയാണ് ഈ കലാലയം.

പ്രാദേശികം

ഈരാറ്റുപേട്ട ഉപജില്ലാ ശാസ്ത്ര ഉത്സവം ഒക്ടോബർ 22 ,23 തീയതികളിൽ ചെമ്മലമറ്റം ലിറ്റിൽ ഫ്ളവർ ഹൈസ്‌കൂളിൽ നടത്തും.

Enews 2 September,2024

ഈരാറ്റുപേട്ട ഉപജില്ലാ ശാസ്ത്ര ഉത്സവം ഒക്ടോബർ 22 ,23 തീയതികളിൽ ചെമ്മലമറ്റം ലിറ്റിൽ ഫ്ളവർ ഹൈസ്‌കൂളിൽ നടത്തും. ശാസ്ത്ര ഗണിത ശാസ്ത്ര സാമൂഹ്യ ശാസ്ത്രം ഐടി മേഖലകളിലാണ് മത്സരങ്ങൾ നടത്തുന്നത്. ജില്ലയിലെ 81 സ്കൂളുകളിൽ നിന്നായി ആയിരത്തോളം വിദ്യാർഥികൾ മത്സരത്തിൽ പങ്കെടുക്കും. മേളയുടെ നടത്തിപ്പിനായി സ്വാഗതസംഘം രൂപീകരിച്ചു. ഈരാറ്റുപേട്ട ഉപജില്ലാ ഏ ഇ ഒ . ഷംല ബീവി അധ്യക്ഷത വഹിച്ച യോഗം തിടനാട് ഗ്രാമപഞ്ചായത്ത് പ്രസിഡൻ്റ് സ്കറിയാച്ചൻ പൊട്ടനാനി ഉദ്ഘാടനം ചെയ്തു . ഹെഡ്മാസ്റ്റർ ജോബെറ്റ് തോമസ്, ബ്ലോക്ക് മെബർ ജോസഫ് ജോർജ് , ഗ്രാമപഞ്ചായത്ത് അംഗങ്ങളായ ലിസി തോമസ് അഴകത്ത് , സന്ധ്യാ ശിവകുമാർ, മിനി ബിനോ മുളങ്ങാശ്ശേരി, പിടിഎ പ്രസിഡന്റ് ബിജു കല്ലിടുക്കാനി, എച്ച് എം ഫോറം സെകട്ടറി വിൻസന്റ് മാത്യൂസ്, തുടങ്ങിയവർ പ്രസംഗിച്ചു.

പ്രാദേശികം

അരുവിത്തുറ കോളജിലെ പൂര്‍വവിദ്യാര്‍ഥി സംഗമം

Enews 1 September,2024

ഈരാറ്റുപേട്ട: ഓര്‍മകളുടെ വേലിയറ്റത്തില്‍ 44 വര്‍ഷത്തിനു ശേഷം കണ്ടുമുട്ടിയ പഴയ സഹപാഠികള്‍ക്ക് വീണ്ടും മനസില്‍ ചെറുപ്പം. അരുവിത്തുറ സെന്റ് ജോര്‍ജസ് കോളജിലെ 1978-80 ബാച്ച് പ്രീഡിഗി സെക്കന്‍ഡ് ഗ്രൂപ്പ് വിദ്യാര്‍ഥികളാണ് കഴിഞ്ഞ ദിവസം വീണ്ടും അരുവിത്തുറയില്‍ സമ്മേളിച്ച് ഓര്‍മകള്‍ പുതുക്കിയത്. അറുപതു പിന്നിട്ട പഴയ വിദ്യാര്‍ഥികള്‍ ജോലിയും കുടുംബജീവിതവുമായി നാനാതുറകളില്‍ ലോകമെങ്ങും വിജയം നേടിയതിലെ സന്തോഷവും കൂട്ടായ്മയില്‍ ആരും മറച്ചുവച്ചില്ല. 1978ല്‍ സ്‌കൂള്‍ വിട്ട് കോളജിന്റെ പടി കടന്നെത്തിയവര്‍ ആണ്‍കുട്ടികള്‍ക്കും പെണ്‍കുട്ടികള്‍ക്കും പരസ്പരം സംസാരിക്കാന്‍ പോലും കര്‍ശന നിയന്ത്രണങ്ങളുണ്ടായിരുന്ന പഴയ കാലത്തെക്കുറിച്ചായിരുന്നു പലരും വാചാലരായത്. അക്കാലത്ത് ആണ്‍കുട്ടികള്‍ക്കും പെണ്‍കുട്ടികള്‍ക്കും പ്രത്യേക വരാന്തകളായിരുന്നു. പഠന കാര്യങ്ങള്‍ക്കും പോലും പരസ്പരം ചര്‍ച്ച ചെയ്യാന്‍ ഭയമായിരുന്നുവെന്നത് ഇന്നത്തെ കുട്ടികള്‍ക്കും സ്വന്തം മക്കള്‍ക്കും പോലും മനസിലാകില്ല. അച്ചടക്കത്തിനു കോളജ് നല്‍കിയ പ്രധാന്യം അക്കാലത്തെ സാമൂഹ്യവ്യവസ്ഥിതിയില്‍ പുതുമയുള്ളതായിരുന്നില്ലെന്നു പൂര്‍വ വിദ്യാര്‍ഥി സംഗമത്തിനെത്തിയവര്‍ പറഞ്ഞു. അരുവിത്തുറ കോളജില്‍ നിന്നു പഠിച്ചിറങ്ങി 44 വര്‍ഷത്തിനു ശേഷം ആദ്യമായി ചേര്‍ന്ന പൂര്‍വ വിദ്യാര്‍ഥി സംഗമത്തില്‍ ജോര്‍ജ് കള്ളിവയലില്‍, തോമസ് കണിയാംപടിക്കല്‍, അബ്ദുള്‍ സലാം, സാവിയോ വെട്ടിക്കന്‍, സി.എന്‍. സുരേന്ദ്രന്‍, ഡയാന വിന്‍സെന്റ്, പി.എന്‍. ജയശ്രീ, സി.ആര്‍. രാധാമണി, ഷിബു ജോസഫ്, സി.എച്ച്. ഷാനവാസ്, മേരിയമ്മ തോമസ്, ജാന്‍സി സണ്ണി, റെജി ജോസ് തുടങ്ങിയവര്‍ പ്രസംഗിച്ചു. 1980ല്‍ എടുത്ത ക്ലാസ് ഗ്രൂപ്പ് ഫോട്ടോ മുതല്‍ ഓട്ടോഗ്രാഫുകള്‍ വരെ നേരിയ കേടുപാടു പോലുമില്ലാതെ സൂക്ഷിച്ചുവച്ചിരുന്ന ചില സഹപാഠികളുടെ നന്മ കൂട്ടായ്മയ്‌ക്കെത്തിയ എല്ലാവരിലും ആവേശം പകര്‍ന്നു.

പ്രാദേശികം

സമസ്ത,പണ്ഡിത സംഗമം നാളെ,

enews 1 September,2024

ഈരാറ്റുപേട്ട :സമസ്ത കേരള ജംഇയ്യത്തുൽ ഉലമ കോട്ടയം ജില്ലാ പണ്ഡിത സംഗമം നാളെ ഈരാറ്റുപേട്ട പുത്തൻപള്ളി ഓഡിറ്റോറിയത്തിൽ നടക്കും. കാലികമായ സമസ്യകൾ പഠന വിധേയമാക്കി കർമശാസ്ത്ര വിധിക്ക് അനുസൃതമായി വിശദീകരണംനൽകുകയും, വികലമായ കൗമാരമനസുകൾക്ക് ദിശാബോധം നൽകി സാംസ്‌കാരിക സൗഹൃദം വളർത്തുക എന്ന ലക്ഷ്യത്തോടെയും തിരഞ്ഞെടുക്കപ്പെട്ട പ്രതിനിധികളെ പങ്കെടുപ്പിച്ചു ഉച്ചക്ക് 2 മണി മുതൽ ആരംഭിക്കുന്ന സംഗമം കേരള മുസ്‌ലിം ജമാഅത്ത് ജില്ലാ പ്രസിഡന്റ് കെ എസ് എം റഫീഖ് അഹ്‌മദ്‌ സഖാഫി ഉൽഘാടനം ചെയ്യും.എ കെ അബ്ദുറഹ്മാൻ മുസ്‌ലിയാർ അധ്യക്ഷത വഹിക്കും.രണ്ട് സെഷനുകളിലായി 'ഇമാമത്ത് ' സമസ്ത'എന്നീ വിഷയങ്ങളിൽ പഠനങ്ങൾ നടക്കും. ക്‌ളാസുകൾക്ക് യഥാക്രമം സമസ്ത കേന്ദ്ര മുശാവറ അംഗം പി എസ് കെ മൊയ്‌ദു ബാഖവി മാടവന, സമസ്ത ജില്ലാ പ്രസിഡന്റ് അബ്ദുൽ അസീസ് സഖാഫി എന്തായാർ, തുടങ്ങിയവർ നേതൃത്വം നൽകും. അബ്ദുൽ ലത്തീഫ് മുസ്‌ലിയാർ അപ്പാഞ്ചിറ, സഅദുദ്ധീൻ അൽ ഖാസിമി, അബ്ദുസ്സലാം ബാഖവി,അൻവർ മദനി, മുസ്‌ലിം ജമാഅത്ത് ജില്ലാ സെക്രട്ടറി വി എച് അബ്ദുറഷീദ് മുസ്‌ലിയാർ, എസ് വൈ എസ് ജില്ലാ പ്രസിഡന്റ് മുഹമ്മദ്‌ ലബീബ് സഖാഫി,സെക്രട്ടറി സിയാദ് അഹ്സനി, എസ് ജെ എം പ്രസിഡന്റ് താഹ മുസ്‌ലിയാർ, അബ്ദുറഹ്മാൻ സഖാഫി സംസാരിക്കും. സമസ്ത സെക്രട്ടറി പിഎം അനസ് മദനി സ്വാഗതവും, ഹാരിസ് സഖാഫി കോട്ടയം നന്ദിയും അറിയിക്കും.

പ്രാദേശികം

അരുവിത്തുറ സെന്റ് ജോർജസ്സ് കോളേജിൽ വ്യക്തിത്വ വികസന കളരി.

enews 1 September,2024

ഈരാറ്റുപേട്ട: വിദ്യാർത്ഥികളുടെ വ്യക്തിത്വവികാസവും ശോഭനമായ ഭാവിയും ലക്ഷ്യം വച്ച് അരുവിത്തുറ സെന്റ് ജോർജസ്സ് കോളേജ് ബിക്കോം സെൽഫ് ഫിനാൻസ് വിഭാഗത്തിൻ്റെ ആഭിമുഖ്യത്തിൽ വ്യക്തിത്വ വികസന കളരിയും കരിയർ ഓറിയൻ്റേഷൻ സെമിനാറും സംഘടിപ്പിച്ചു. പരിപാടിയുടെ ഉദ്ഘാടനം സമൂഹ്യ പ്രവർത്തകയും എഴുത്തുകാരിയും വ്യക്തിത്വ വികസന പരിശീലകയുമായ നിഷാ ജോസ് കെ മാണി നിർവഹിച്ചു. ചടങ്ങിൽ കോളേജ് പ്രിൻസിപ്പൽ പ്രൊഫ. ഡോ സിബി ജോസഫ് കോളേജ് ബർസാർ ഫാ. ബിജു കുന്നക്കാട്ട്, ബിക്കോം സെൽഫ് ഫിനാൻസ് വിഭാഗം മേധാവി പി സി. അനീഷ് അദ്ധ്യാപകരായ റെയ്സാ ജോർജ്, ബേബി ജോർജ് എന്നിവർ സംസാരിച്ചു.

പ്രാദേശികം

കാരയ്ക്കാട് സ്കൂളിൽ ചന്ദ്രിക അറിവിൻ തിളക്കം പദ്ധതിക്ക് തുടക്കമായി.

enews 1 September,2024

ഈരാറ്റുപേട്ട .കാരയ്ക്കാട് എം.എം എം.യു.എം യു പി.സ്കൂളിൽ ചന്ദ്രിക അറിവിൻ തിളക്കം പദ്ധതിക്ക് സ്കൂൾ മാനേജരും മുസ്ലിം ലീഗ് ജില്ലാ ട്രഷറുമായ കെ.എ.മുഹമ്മദ് അഷറഫ് ചന്ദ്രിക പത്രത്തിൻ്റെ കോപ്പി സ്കൂൾ ഹെഡ്മിസ്ട്രസ് വി കെ.സമീനാ യ്ക്ക് നൽകി ഉദ്ഘാടനം നിർവ്വഹിച്ചു. പി.ടി.എ. പ്രസിഡൻ്റ് ഒ.എ.ഹാരിസ്, വൈസ് പ്രസിഡൻ്റ് അസീസ് പത്താഴപ്പടി, സ്കൂൾ ലീഡർ ഫാത്തിമ സിനാജ് . ബിസ്നി സെബാസ്റ്റിൻ ടീച്ചർ, ചന്ദ്രിക റിപ്പോർട്ടർ പി.എ.എം.ഷെരീഫ് എന്നിവർ പങ്കെടുത്തു.

പ്രാദേശികം

Follow Us

Popular News