ഈരാറ്റുപേട്ട: 24*7 ന്യൂസ് ചാനലിന്റെയും ഇന്ത്യൻ ഇൻസ്റ്റിറ്റ്യൂട്ട് ഓഫ് കോമേഴ്സിന്റെയും ആഭിമുഖ്യത്തിൽ ഈരാറ്റുപേട്ട എം.ഇ.എസ് . കോളേജിൽ വച്ച് കരിയർ ഗൈഡൻസ് പ്രോഗ്രാം സംഘടിപ്പിച്ചു. പ്രശസ്ത കരിയർ സ്കിൽ ട്രെയിനർ ഷമീം പെരിയങ്ങാട്ട് ബിരുദത്തിനു ശേഷമുള്ള അനന്ത ജോലി സാധ്യതകളെപ്പറ്റി വിദ്യാർഥികളോട് സംസാരിച്ചു . കോളേജ് പ്രിൻസിപ്പൽ പ്രൊഫസർ എ .എം .റഷീദ്, കോഡിനേറ്റർമാരായ റെജി മനോജ്, ടീന കുര്യൻ എന്നിവർ നേതൃത്വം നൽകി.
പൂഞ്ഞാർ. പരമ്പരാഗത ഊർജ സ്രോതസ്സുകൾ ഉപയോഗിച്ച് വൈദ്യുതി സ്വയം പര്യാപ്തമാകുക എന്ന സംസ്ഥാന സർക്കാർ പദ്ധതി ആദ്യമായി പ്രവർത്തനം ആരംഭിച്ചു 35 ലക്ഷം രൂപ മുതൽ മുടക്കി പൂഞ്ഞാർ എസ് എം വി സ്കൂളിൽ പൂർത്തിയാക്കിയ 62 കിലോ വാട്സ് ന്റെ സൗരോർജ പ്ലാന്റ് പ്രവർത്തനം ആരംഭിക്കുകയാണ്. സൗരോർജ്ജ പാനലുകൾ സ്ഥാപിക്കുന്നതിനുള്ളസ്ഥലസൗകര്യം സ്കൂൾ ഒരുക്കി നൽകുകയും ഇലക്ട്രിസിറ്റി ബോർഡ് ന്റെ പൂർണ്ണ മുതൽ മുടക്കിലാണ് പദ്ധതി സ്ഥാപിച്ചിരിക്കുന്നത്. പ്രതിമാസം ശരാശരി 7440 യൂണിറ്റ് വൈദ്യുതി യാണ് പ്ലാന്റിൽ നിന്നും ഉത്പാതിപ്പിക്കുന്നത്. ചൊവ്വാഴ്ച ഉച്ചകഴിഞ്ഞു 2 മണിക്ക്സ്കൂൾ ഓഡിറ്റോറിയത്തിൽ അഡ്വ. സെബാസ്റ്റ്യൻ കുളത്തുങ്കൽ എം എൽ എ അധ്യക്ഷത വഹിക്കുന്ന യോഗത്തിൽ വച്ച് സംസ്ഥാന വൈദ്യുതി വകുപ്പ് മന്ത്രി കെ. കൃഷ്ണൻകുട്ടി പദ്ധതി ഉത്ഘാടനം ചെയ്യും. സ്കൂൾ മാനേജർ എൻ. മുരളീധര വർമ്മ യുടെ സാന്നിധ്യത്തിൽ ചേരുന്ന സമ്മേളനത്തിൽ പഞ്ചായത്ത് പ്രസിഡന്റ് ഗീത നോബിൾ, കുര്യൻ ജോസഫ്, നെല്ലുവേലിൽ, അഡ്വ. ഷോൺ ജോർജ് രമാ മോഹൻ, വിവിധ സാമൂഹ്യ രാഷ്ട്രീയ നേതാക്കൾ പങ്കെടുക്കും
പൂഞ്ഞാർ തെക്കേക്കര ശാഖയും ഈരാറ്റുപേട്ട എമെർജ് മെഡിക്കൽ ഗ്രൂപ്പും സംയുക്തമായി പൂഞ്ഞാർ മങ്കുഴി ക്ഷേത്ര ഓഡിറ്റോറിയത്തിൽ നടത്തിയ മെഡിക്കൽ ക്യാമ്പ് ഗ്രാമ പഞ്ചായത്ത് പ്രസിഡന്റ് ജോർജ് മാത്യു അത്തിയാലിൽ ഉത്ഘാടനം ചെയ്യുന്നു
പൂഞ്ഞാർ : സംസ്ഥാന കൃഷിവകുപ്പ് ആവിഷ്കരിച്ച് നടപ്പിലാക്കിവരുന്ന ഞങ്ങളും കൃഷിയിലേക്ക് എന്ന ഊർജിത കാർഷിക വികസന പദ്ധതിയുടെ പ്രചരണാർത്ഥം ആധുനിക കൃഷി രീതികളെ കുറിച്ചുള്ള ഒരു കർഷക സെമിനാർ പൂഞ്ഞാർ നിയോജകമണ്ഡല തല അടിസ്ഥാനത്തിൽ ഈ മാസം 21ആം തീയതി ഉച്ചകഴിഞ്ഞ് 2.30 ഈരാറ്റുപേട്ട ലയൺസ് ക്ലബ് ഹാളിൽ വച്ച് നടത്തപ്പെടും. പൂഞ്ഞാർ എംഎൽഎ അഡ്വ. സെബാസ്റ്റ്യൻ കുളത്തുങ്കലിന്റെ അധ്യക്ഷതയിൽ ചേരുന്ന സെമിനാർ സംസ്ഥാന വൈദ്യുത വകുപ്പ് മന്ത്രി കെ. കൃഷ്ണൻകുട്ടി ഉദ്ഘാടനം ചെയ്യും. ഈരാറ്റുപേട്ട ബ്ലോക്ക് പഞ്ചായത്ത് ആക്ടിംഗ് പ്രസിഡന്റ് കുര്യൻ നെല്ലുവേലി, കാഞ്ഞിരപ്പള്ളി ബ്ലോക്ക് പഞ്ചായത്ത് പ്രസിഡന്റ് അജിത രതീഷ്, ഈരാറ്റുപേട്ട നഗരസഭ അധ്യക്ഷ സുഹറ അബ്ദുൽ ഖാദർ, ഗ്രാമപഞ്ചായത്ത് പ്രസിഡന്റുമാരായ ഗീത നോബിൾ , ജോർജ് മാത്യു അത്യാലിൽ, കെ. സി ജെയിംസ്, വിജി ജോർജ്, സിന്ധു മോഹൻ, രേഖ ദാസ്, തങ്കമ്മ ജോർജുകുട്ടി, സിന്ധു മുരളീധരൻ, സി.സി തോമസ്, കോട്ടയം ജില്ല പ്രിൻസിപ്പൽ അഗ്രികൾച്ചർ ഓഫീസർ ഗീത വർഗീസ് തുടങ്ങിയവർ പ്രസംഗിക്കും. കുമരകം കൃഷി വിജ്ഞാന കേന്ദ്രo അസിസ്റ്റന്റ് പ്രൊഫസർ ഡോ. മാനുവൽ അലക്സ് സെമിനാറിൽ ക്ലാസ് നയിക്കും. കൃഷി അസിസ്റ്റന്റ് ഡയറക്ടർമാരായ കിഷോർ കുമാർ എസ്, അശ്വതി വിജയൻ, നിയോജകമണ്ഡലത്തിലെ കൃഷി ഓഫീസർമാരായ രമ്യ ആർ, എബ്രഹാം സ്കറിയ, അശ്വതി എസ്, സുബാഷ് എസ് എസ് , അജ്മൽ പി. എം, വേണുഗോപാൽ പി. ആറ്, ആർദ്ര ജസ്റ്റിൻ, സബീന , തസ്നിമോൾ, അഞ്ജന എസ് എന്നിവർ സെമിനാറിന് നേതൃത്വം നൽകും. സെമിനാറിൽ നിയോജക മണ്ഡലത്തിന്റെ എല്ലാ ഭാഗത്തുനിന്നും ഉള്ള പ്രമുഖ കർഷകരും, സമ്മിശ്ര കൃഷികളിൽ ഏർപ്പെട്ടിരിക്കുന്ന കർഷകരും പങ്കെടുക്കും. സെമിനാറിൽ വച്ച് മാതൃകാ കർഷകരെ മന്ത്രി ആദരിക്കും.
നിര്യാതനായി ഈരാറ്റുപേട്ട: അരയത്തി നാൽകണിയാംപള്ളിൽ കുഞ്ഞു മൈതീൻ 87 നിര്യാതനായി കബറടക്കം ഇന്ന് രാവിലെ 10 ന് പുത്തൻ പള്ളിയിൽ ഭാര്യ : ഐഷ കാഞ്ഞിരം ആറ്റത്തറയിൽ കുടുംബാംഗം മക്കൾ സിയാദ്, സഫിയ, ജമീല, നസീമ മരുമക്കൾ : സൽമ, യൂസുഫ്, പരേതരായ ബഷീർ, അൻസാദ്
.jpeg)
സംഗമം മൾട്ടി സ്റ്റേറ്റ് കോ ഓപ്പറേറ്റിവ് ക്രെഡിറ്റ് സൊസൈറ്റിയുടെ ഓഹരി നിക്ഷേപ സഹകരണ കാമ്പയിന്റെ സംസ്ഥാന തല സമാപനം ഈരാറ്റുപേട്ട ബ്രാഞ്ചിന്റെ നേതൃത്വത്തിൽ നടന്നു ഈരാറ്റുപേട്ട വ്യാപാര ഭവൻ ഓഡിറ്റോറിയത്തിൽ നടന്ന സമ്മേളനം അഡ്വ.സെബാസ്റ്റ്യൻ കുളത്തുങ്കൽ MLA ഉദ് ചെയ്തു. സംഗമം വൈസ് പ്രസി. T K ഹുസൈൻ അധ്യക്ഷതവഹിച്ചു. ഈരാറ്റുപേട്ട നഗരസഭാചെയ്യർ പേഴ്സൺ സുഹ്റാ അബ്ദുൾ ഖാദർ, പ്രോഗ്രാം കൺവീനറും ഡയറക്ടറുമായ A M A ഖാദർ, വി.കെ മുഹമ്മദ് അഷറഫ്, വിനോദ് ബി നായർ, പി.എ. അബ്ദുൾ ഹക്കിം, ബ്രാഞ്ച് കമ്മിറ്റി അംഗങ്ങൾ തുടങ്ങിയവർ സംബന്ധിച്ചു.
ഈരാറ്റുപേട്ട ഗവ.ഹയർ സെക്കണ്ടറി സ്കൂളിൻ്റെ 113 ് മത് വാർഷികവും ഹയർ സെക്കണ്ടറി സിൽവർ ജൂബിലിയും പൂർവ്വ വിദ്യാർത്ഥി സംഗമവും നടന്നു സ്കൂൾ ഹാളിൽ നടന്ന ചടങ്ങിൽ നഗരസഭാധ്യക്ഷ സുഹ്റാ അബ്ദുൾ ഖാദർ അധ്യക്ഷത വഹിച്ചു. അഡ്വ.സെബാസ്റ്റ്യൻ കുളത്തുങ്കൽ MLA വാർഷികാഘോഷങ്ങൾ ഉദ് ചെയ്തു.നഗരസഭാ കൗൺസിലർ റിസ്വാന സവദ്, കൗസിലറും പിടിഎ പ്രസിഡണ്ടുമായ അനസ് പാറയിൽ ഷൈജു ടി എസ്, നഗരസഭാ കൗൺസിലർമാർ, അധ്യാപകർ, തുടങ്ങിയവർ പങ്കെടുത്തു.വിദ്യാർത്ഥികളുടെ വിവിധ കലാപരിപാടികളും ചടങ്ങിൽ നടന്നു.
ജമ്മു കാശ്മീരില് ഇന്ന് പുലര്ച്ചെ ഭൂചലനം അനുഭവപ്പെട്ടു. റിക്ടര് സ്കെയിലില് 3.6 തീവ്രത രേഖപ്പെടുത്തിയ ഭൂചലനമാണുണ്ടായെന്ന് സെന്റര് ഫോര് സീസ്മോളജി അറിയിച്ചു.പുലര്ച്ചെ 5:15നാണ് ഭൂചലനമുണ്ടായത് . കത്രയില് നിന്ന് 97 കിലോമീറ്റര് കിഴക്കാണ് ഭൂചലനത്തില് പ്രഭവകേന്ദ്രം. ഭൂചലനത്തില് ആളപായമോ നാശനഷ്ടങ്ങളോ റിപ്പോര്ട്ട് ചെയ്തിട്ടില്ല.
