ഈരാറ്റുപേട്ട: അൽ മനാർ പബ്ലിക് സ്കൂൾ 38-ാം വാർഷികാഘോഷം 'മെഹ്ഫിലെ മനാർ 2k25' ചൊവ്വാഴ്ച രാവിലെ ഒമ്പതു മുതൽ സ്കൂൾ ഗ്രൗണ്ടിൽ നടക്കും. സ്കൂൾ അങ്കണത്തിൽ പി.ടി.എ പ്രസിഡന്റ് ഷാനവാസ് പാലയംപറമ്പിൽ പതാക ഉയർത്തും. വൈകുന്നേരം 6.30 ന് പിന്നണി ഗായകൻ അൻസാർ ഇസ്മായിൽ കലാപരിപാടികൾ ഉദ്ഘാടനം ചെയ്യും. ഐ.ജി.ടി ട്രസ്റ്റ് ചെയർമാൻ എ.എം. അബ്ദുസമദ് അധ്യക്ഷത വഹിക്കും.
ഈരാറ്റുപേട്ട :സമഗ്ര റേഡിയോളജി വിഭാഗത്തിന് തുടക്കം കുറിച്ച് കൊണ്ട് ഈരാറ്റുപേട്ട സൺറൈസ് ഹോസ്പിറ്റൽ . കേന്ദ്ര സർക്കാർ, ഇ.എസ്.ഐ, നാവികസേന, എഫ്.സി.ഐ, ദക്ഷിണ റെയിൽവേ, ലക്ഷദ്വീപ് ഭരണകൂടം എന്നിവയുടെ അസിസ്റ്റന്റ് സോളിസിറ്റർ ജനറലായും സീനിയർ സ്റ്റാൻഡിങ് കൗൺസിലായും സേവനമനുഷ്ഠിച്ച അഡ്വക്കേറ്റ് ശ്രീ T P M ഇബ്രാഹിം ഖാൻ തിരി കൊളുത്തി ഉദ്ഘാടനം നിർവ്വഹിച്ച വേദിയിൽ ഹോസ്പിറ്റൽ ക്ലസ്റ്റർ സി.ഇ.ഓ ശ്രീ പ്രകാശ് മാത്യു , സി. ഒ. ഒ ശ്രീ സുഭാഷ് തോട്ടുവേലിൽ റേഡിയോളജി സ്പെഷ്യലിസ്റ് ഡോ. മെറീന മാത്യു , എന്നിവർ സന്നിഹിതർ ആയിരുന്നു. അന്താരാഷ്ട്ര നിലവാരമുള്ള ആരോഗ്യസേവനങ്ങൾ പൊതുജനങ്ങൾക്ക് ലഭ്യമാക്കുക എന്ന ലക്ഷ്യത്തോടെ, ഈരാറ്റുപേട്ട സൺറൈസ് ഹോസ്പിറ്റലിൽ അത്യാധുനിക സാങ്കേതികവിദ്യകളോടെയുള്ള സമഗ്ര റേഡിയോളജി വിഭാഗം സജ്ജമായി. ജർമ്മൻ സാങ്കേതികവിദ്യയിൽ ആർട്ടിഫിഷ്യൽ ഇൻ്റലിജൻസിൻ്റെ (AI) സഹായത്തോടെ പ്രവർത്തിക്കുന്ന 3 ടെസ്ല ഇമേജിംഗ് ക്വാളിറ്റിയുള്ള 51 ചാനൽ 'ഡീപ് സ്കാൻ' എംആർഐ (MRI) ഉൾപ്പെടെയുള്ള വിപുലമായ സൗകര്യങ്ങളാണ് ഇവിടെ ഒരുക്കിയിരിക്കുന്നത്. സാധാരണ എംആർഐ സ്കാനുകളെ അപേക്ഷിച്ച് അതി വേഗത്തിൽ അതീവ വ്യക്തതയുള്ള ചിത്രങ്ങൾ നൽകാനും ഈ ഹീലിയം ഫ്രീ 51 ചാനൽ ഡീപ് സ്കാനിന് സാധിക്കും. ആർട്ടിഫിഷ്യൽ ഇൻ്റലിജൻസിൻ്റെ സഹായത്തോടെ ശരീരത്തിലെ കോശങ്ങളുടെയും തന്മാത്രകളുടെയും തലത്തിൽ വരെ വിവരങ്ങൾ ശേഖരിക്കാൻ സാധിക്കുന്നതിനാൽ, രോഗങ്ങൾ പ്രാരംഭഘട്ടത്തിൽ തന്നെ കണ്ടെത്താൻ ഇത് സഹായിക്കുന്നു. തലച്ചോറ്, സുഷുമ്നാ നാഡി എന്നിവയിലെ സൂക്ഷ്മമായ മാറ്റങ്ങളും ക്യാൻസർ പോലുള്ള രോഗങ്ങളുടെ വ്യാപ്തിയും കൃത്യമായി തിരിച്ചറിയാൻ ഈ സാങ്കേതികവിദ്യ പ്രയോജനകരമാണ്. ഗർഭസ്ഥശിശുവിന്റെ മുഖചലനങ്ങളും രൂപവും തത്സമയം കാണാൻ സഹായിക്കുന്ന 4D ഫീറ്റൽ ഫേസ് സ്കാൻ സൗകര്യവും ഇപ്പോൾ ഈരാറ്റുപേട്ട സൺറൈസ് ഹോസ്പിറ്റലിൽ ലഭ്യമാണ്. Ai സഹായത്തോടെ പ്രവർത്തിക്കുന്ന ഈ സംവിധാനം കുഞ്ഞിന്റെ വളർച്ചയും ആരോഗ്യവും കൂടുതൽ കൃത്യതയോടെ വിലയിരുത്താൻ ഡോക്ടർമാരെ സഹായിക്കുന്നു. കൂടാതെ, 96 സ്ലൈസ് സിടി സ്കാൻ (96 Slice CT): ട്രോമാ , സ്ട്രോക്ക് , ആന്തരിക രക്തസ്രാവം എന്നിവക്ക് ഒരു മിനിറ്റിനുള്ളിൽ കൂടുതൽ വ്യക്തതയുള്ള സ്കാനിംഗ് റിപ്പോർട്ടുകൾ ലഭ്യമാക്കുന്നു.മമ്മോഗ്രാം: സ്തനാർബുദം നേരത്തെ കണ്ടെത്തുന്നതിനായി അത്യാധുനിക ഡിജിറ്റൽ മമ്മോഗ്രാം സൗകര്യം സജ്ജമാണ്.ഡിജിറ്റൽ എക്സ്-റേ: കുറഞ്ഞ റേഡിയേഷനിൽ ഉയർന്ന നിലവാരമുള്ള ചിത്രങ്ങൾ നൽകുന്ന ഡിജിറ്റൽ എക്സ്-റേ സംവിധാനം. എന്നിവയുടെ പ്രവർത്തനവും ആരംഭിച്ചതോടെ ഈരാറ്റുപേട്ട സൺറൈസ് ഹോസ്പിറ്റലിലെ റേഡിയോളജി വിഭാഗം ഒരു സമഗ്രഹ വിഭാഗമായ മാറിയിക്കുകയാണ് .രോഗനിർണ്ണയ രംഗത്തെ കൃത്യത ഉറപ്പാക്കുന്നതിനും രോഗികൾക്ക് മികച്ച ചികിത്സാ അനുഭവം നൽകുന്നതിനും ഈ അത്യാധുനിക സംവിധാനങ്ങൾ വലിയ മാറ്റങ്ങൾ കൊണ്ടുവരുമെന്ന് ഹോസ്പിറ്റൽ മാനേജ്മെന്റ് അറിയിച്ചു. വിദഗ്ദ്ധരായ റേഡിയോളജിസ്റ്റുകളുടെയും ടെക്നീഷ്യന്മാരുടെയും സേവനം 24 മണിക്കൂറും ലഭ്യമായിരിക്കും.
കോട്ടയം ഡി സി സി ജനറൽ സെക്രട്ടറിയും, പാലാ - ഈരാറ്റുപേട്ട കോടതികളിലെ പ്രമുഖ അഭിഭാഷകനും, മുൻ ഈരാറ്റുപേട്ട ബ്ലോക്ക് പഞ്ചായത്ത് പ്രസിഡന്റുമായ അഡ്വ. ജോമോൻ ഐക്കരയെ ഈരാറ്റുപേട്ട ബാർ അസോസിയേഷൻ പ്രസിഡന്റായി തിരഞ്ഞെടുത്തു. സെക്രട്ടറിയായി കെ എസ് യു ജില്ലാ വൈസ് പ്രസിഡന്റും യുവ അഭിഭാഷകനുമായ അഡ്വ. അഭിരാം ബാബു തിരഞ്ഞെടുക്കപ്പെട്ടു
ഈരാറ്റുപേട്ട. മീനച്ചിലാറ്റിൽ കടുവാമൂഴിയിൽ മസ്ജിദ് നൂറിന് സമീപം എം.എൽ.എയുടെ ആസ്തി വികസന ഫണ്ടിൽ നിന്നും 5 ലക്ഷം മുടക്കി 2019 ൽ നിർമ്മിച്ച കുളിക്കടവും ക്ലോക്ക് റൂം ആറ് മാസം മുമ്പ് പ്ലാമൂട്ടിൽ അബ്ദുൽ ലത്തീഫ് എന്നയാൾ നശിപ്പിക്കുകയും ആ സ്ഥലം കയ്യേറുകയും ചെയ്തു.ഇതിനെതിരേ പല പ്രാവശ്യം ഈരാറ്റുപേട്ട നഗരസഭയിൽ പരാതി നൽകിയിട്ടും നടപടി സ്വീകരിക്കാത്തതു കൊണ്ട് പൊതുപ്രവർത്തകനായ പുളിക്കിച്ചാലിൽ ജലീൽ നൽകിയ ഹരജി കേരള ഹൈക്കോടതി ഫയലിൽ സ്വീകരിച്ചു. ആറാം എതിർകക്ഷിയായ പി.എച്ച്.അബ്ദുൽ ലത്തീഫിന് നോട്ടീസ് അയക്കാൻ ജസ്റ്റീസ് പി.വി. കുഞ്ഞികൃഷ്ണൻ ഉത്തരവിട്ടു. ഹർജിക്കാരന് വേണ്ടി അഡ്വ.കെ.എ .മൻസൂർ അലി ഹാജറായി.
ഈരാറ്റുപേട്ട .അഖില കേരളാടിസ്ഥാനത്തിൽ 'പരസ്പരം' വായ നക്കൂട്ടം നടത്തിയ മത്സരത്തിൽ എം.കെ. കുമാരൻ സ്മാരക സാഹിത്യപുരസ്കാരത്തിന് ഈരാറ്റുപേട്ട പുളിക്കൽ ശ്രീമതി ഷീബ അബ്ദുല്ലായ്ക്ക് ലഭിച്ചു. മെമന്റോയും ക്യാഷ് അവാർഡും പ്രശസ്തിപത്രവും പുസ്തകങ്ങളുമടങ്ങിയ പുരസ്കാരം 2026 ജനുവരി 17-ന് കോട്ടയം പബ്ലിക് ലൈബ്രറിയിൽ ചേരുന്ന പരസ്പരം വായനക്കൂട്ടത്തിന്റെ 22-ാമത് വാർഷിക സമ്മേളനത്തിൽ സമ്മാനിക്കുന്നതാണ്
ഈരാറ്റുപേട്ട: ഈരാറ്റുപേട്ട നഗരസഭാ മുസ്ലിം ലീഗ് ജനറൽ സെക്രട്ടറിയായി കെ.എ. മാഹിനെ തെരഞ്ഞെടുത്തു. ജനറൽ സെക്രട്ടറിയായിരുന്ന അഡ്വ. വി.പി. നാസർ നഗരസഭാ കൌൺസിലറായി തെരഞ്ഞെടുക്കപ്പെട്ടതിനെ തുടർന്നാണ് മാഹിനെ തെരഞ്ഞെടുത്തത്. നഗരസഭാ തെരഞ്ഞെടുപ്പിൽ വട്ടക്കയം ഡിവിഷനിൽ യു.ഡി.എഫ് സ്ഥാനാർഥിയായി മത്സരിച്ചെങ്കിലും പരാജയപ്പെട്ടു. എം.എസ്.എഫിലൂടെ രാഷ്ട്രീയ പ്രവർത്തനം ആരംഭിച്ച മാഹിൻ നിലവിൽ മുസ്ലിം യൂത്ത് ലീഗ് സംസ്ഥാന വൈസ് പ്രസിഡന്റ് കൂടിയാണ്. സിവിൽ എഞ്ചനീയറിംഗ് ബിരുദധാരിയാണ്. നൈനാർ മസ്ജിദ് പരിപാലന കമ്മിറ്റിയംഗം, ഗൈഡൻസ് പബ്ലിക് സ്കൂൾ പി.ടി.എ പ്രസിഡന്റ് എന്നീ നിലകളിലും പ്രവർത്തിക്കുന്നു.
ഈരാറ്റുപേട്ട : ഫൈൻ ആർട്ട്സ് ക്ലബ്ബ് ഈരാറ്റുപേട്ടയുടെ ആഭിമുഖ്യത്തിൽ ഈ മാസം 14 ന് ഏകദിന ക്യാമ്പ് വാഗമണിൽ നടക്കുകയാണ്.നേതൃപരിശീലന ക്ലാസ്സ്, സാഹിത്യ ശില്പശാല, അവാർഡ് സന്ധ്യ, മെഹ്ഫിൽ രാവ് എന്നിവയാണ് പരിപാടികൾ.ഫെയ്സ് സാഹിത്യ വേദിയുടെ പ്രഥമ സാഹിത്യ പുരസ്കാര സമർപ്പണവും ക്യാമ്പിൽ നടക്കും.ഇച്ചിരിപ്പറമ്പിൻ്റെ കഥ എൻ്റെയും' എന്ന നോവലാണ് അവാർഡിന് അർഹമായിട്ടുള്ളത്.ശ്രീ. ഹമീദ് പറപ്പൂരാണ് ഗ്രമ്പകാരൻ.തോമസ് തലനാട്, പൊൻകുന്നം രാധാകൃഷ്ണൻ, കെ.എം. ജാഫർ എന്നിവരാണ് ജൂറി അംഗങ്ങൾ. ചടങ്ങിൽ ഫെയ്സ് ലീഗൽ അഡ്വൈസർ അഡ്വ. വി.പി. നാസർ, പ്രമുഖ മോട്ടിവേഷൻ സ്പീക്കർ ശ്രീ. അൻഷാദ് അതിരമ്പുഴ, പ്രശസ്ത എഴുത്തുകാരൻ ശ്രീ.സുരേഷ് തെക്കീട്ടിൽ, പ്രശസ്ത നോവലിസ്റ്റ് തോമസ് തലനാട്, പ്രമുഖ പരിസ്ഥിതി പ്രവർത്തകൻ ശ്രീ. എബി ഇമ്മാനുവൽ, സാഹിത്യവേദി പ്രഥമ പുരസ്കാര ജേതാവ് ശ്രീ. ഹമീദ് പറപ്പൂര് എന്നിവർ പങ്കെടുക്കും. ഫെയ്സ് പ്രസിഡൻ്റ് കെ.പി.എ. നടയ്ക്കൽ, ഡയറക്ടർ സക്കീർ താപി, സെക്രട്ടറി ഹാഷിം ലബ്ബ , ട്രഷറർ തസ്നീം കെ. മുഹമ്മദ്, സാഹിത്യവേദി പ്രസിഡൻ്റ് ജാഫർകെ.എം, സെക്രട്ടറി പി.പി.എം. നൗഷാദ് എന്നിവർ പത്രസമ്മേളനത്തിൽ പങ്കെടുത്തു.
ഈരാറ്റുപേട്ട.അഡ്വ. ഹാരിസ് ബിരാൻ എം.പി. ഈരാറ്റുപേട്ട നഗരസഭയിൽ വിവിധ ഡിവിവിഷനുകളിൽ മൽസരിക്കുന്ന യു.ഡി.എഫ് സ്ഥാനാർത്ഥികൾക്ക് വോട്ട് അഭ്യർത്ഥിച്ച് ഞായറാഴ് രാവിലെ പര്യടനം നടത്തി. ഹാരിസ് ബീരാൻ എം.പി യോടൊപ്പം. ജില്ലാ മുസ്ലിം ലീഗ് പ്രസിഡൻറ് അസീസ് ബസായിൽ ,ജനറൽ സെക്രട്ടറി റഫീഖ് മണിമല, ട്രഷറർ കെ.എ.മുഹമ്മദ് അഷറഫ്, വൈസ് പ്രസിഡൻ്റ് അഡ്വ.പീരു മുഹമ്മദ് ഖാൻ ,മുസ്ലിം ലിഗ് നിയോജക മണ്ഡലം പ്രസിഡൻ്റ് റാസി ചെറിയ വല്ലം. നഗരസഭ മുസ്ലിം ലീഗ് പ്രസിഡൻ്റ് കെ.എ.മുഹമ്മദ് ഹാഷിം ,ജനറൽ സെക്രട്ടറി കണ്ടത്തിൽ സിറാജ് എന്നിവർ ഉണ്ടായിരുന്നു.
